સાઉથની મશહૂર અભિનેત્રી ને મંદિરમાં એન્ટ્રી ન મળી, અભિનેત્રી થઈ ગુસ્સે, સામે આવ્યું આ કારણ…

સાઉથની ફેમસ એક્ટ્રેસ અમલા પોલને કેરળના એક મંદિરમાં પ્રવેશ આપવામાં આવ્યો ન હતો આ વાત પર અભિનેત્રી ગુસ્સે થઈ ગઈ અભિનેત્રીએ આરોપ લગાવ્યો છે કે ધાર્મિક ભેદભાવના કારણે તેને કેરળના એર્નાકુલમમાં તિરુવૈરાનીકુલમ મહાદેવ મંદિરમાં પ્રવેશતા અધિકારીઓએ રોકી હતી.

મીડિયા રિપોર્ટ્સ અનુસાર અમલા પોલ સોમવારે મંદિરમાં ગયા હતા, પરંતુ એવું કહેવામાં આવી રહ્યું છે કે મંદિરના અધિકારીઓએ રિવાજોને ટાંકીને કહ્યું કે આ મંદિરના પરિસરમાં ફક્ત હિન્દુઓને જ પ્રવેશ આપવામાં આવે છે અને તેમને દર્શન કરવા પર પ્રતિબંધ છે.

અભિનેત્રીએ દાવો કર્યો હતો કે તેને દર્શન આપવાનો ઇનકાર કરવામાં આવ્યો હતો અને તેને મંદિરની સામેના રસ્તા પરથી દેવીના દર્શન કરવા માટે દબાણ કરવામાં આવ્યું હતું.

અમાલા પોલે મંદિરના વિઝિટર રજિસ્ટરમાં લખ્યું છે કે તે દુઃખદ અને નિરાશાજનક છે કે 2023માં પણ ધાર્મિક ભેદભાવ ચાલુ છે હું દેવીની નજીક જઈ શકતી ન હતી પરંતુ દૂરથી દર્શન કરીને પણ હું તેને અનુભવી શકતી હતી મને આશા છે કે ધાર્મિક ભેદભાવમાં ટૂંક સમયમાં ફેરફાર થશે એવો સમય આવશે જ્યારે આપણે બધા સાથે સમાન વ્યવહાર કરીશું ધર્મના આધારે નહીં.