બોલિવૂડમાં એવી ઘણી અભિનેત્રીઓ છે જેમણે લગ્ન માટે એક્ટર નહીં પરંતુ કરોડપતિ કે અબજોપતિ બિઝનેસમેનને પસંદ કર્યા છે. તેમાંથી ઘણી તો બીજી કે ત્રીજી પત્ની બનવામાં પણ સંકોચ અનુભવતી ન હતી જો કે આમાંની મોટાભાગની અભિનેત્રીઓ એવી પણ છે જેમનું કરિયર કંઈ ખાસ નહોતું અને તેમના પર એવો પણ આરોપ હતો કે તેમણે માત્ર પૈસા માટે લગ્ન કર્યા હતા.
શિલ્પાએ લંડન સ્થિત બિઝનેસમેન રાજ કુન્દ્રાને પોતાના પાર્ટનર તરીકે પસંદ કર્યા. બંનેને બે બાળકો છે. મીડિયા રિપોર્ટ્સ અનુસાર, રાજની કુલ સંપત્તિ લગભગ $550 મિલિયન છે. તેણે શિલ્પાને આકર્ષવા માટે ઘણી મોંઘી ગિફ્ટ્સ આપી હતી, જેમાં ભવ્ય બંગલા, ફ્લેટથી લઈને લક્ઝરી કારનો સમાવેશ થાય છે. શિલ્પા રાજની બીજી પત્ની છે અને બોલિવૂડમાં પણ તેનું કરિયર કંઈ ખાસ નહોતું.
સોનમે પોતાના કરિયરમાં ઘણી ફિલ્મોમાં કામ કર્યું પરંતુ તેની કરિયર અપેક્ષા મુજબ સફળ રહી ન હતી. યુકે સ્થિત બિઝનેસમેન આનંદ આહુજા સાથે લગ્ન કર્યા બાદ સોનમ 2018માં સ્થાયી થઈ ગઈ હતી. આનંદની કુલ સંપત્તિ 4733 કરોડની આસપાસ છે.
જુહી ચાવલાએ પોતાની કારકિર્દીમાં ઘણી સફળ ફિલ્મો આપી અને ફિલ્મોમાંથી બ્રેક લીધા બાદ 1995માં બિઝનેસમેન જય મહેતા સાથે લગ્ન કર્યા. જુહી જયની બીજી પત્ની બની. જય એક પ્રખ્યાત બિઝનેસમેન છે અને તેની કુલ સંપત્તિ 300 કરોડની આસપાસ છે.
અસીને સાઉથ અને બોલિવૂડની પસંદગીની ફિલ્મોમાં કામ કર્યું હતું પરંતુ કરિયર કંઈ ખાસ નહોતું. 2016 માં, અસીને માઇક્રોમેક્સ જેવી મોટી કંપનીના સ્થાપક રાહુલ શર્મા સાથે લગ્ન કર્યા પછી ફિલ્મોને અલવિદા કહ્યું. હવે તે એક પુત્રીની માતા બની છે. અસિનના પતિ રાહુલની કુલ સંપત્તિ 1450 કરોડની આસપાસ છે.
વિદ્યા સિદ્ધાર્થ રોય કપૂરની ત્રીજી પત્ની છે. સિદ્ધાર્થ UTV મોશન પિક્ચર્સના વડા છે અને તે એક જાણીતા નિર્માતા પણ છે. તેમની કુલ સંપત્તિ 90 કરોડની આસપાસ છે. બંનેએ 2012માં લગ્ન કર્યા હતા.
Leave a Reply