વર્ષ 2023ના બહુપ્રતિક્ષિત મ્યુઝિક એવોર્ડ શો ગ્રેમી એવોર્ડ્સની ભારતમાં પણ ખૂબ ચર્ચા થઈ રહી છે આ એવોર્ડ શોમાં સંગીતની દુનિયા સાથે જોડાયેલા દેશ અને દુનિયાના પ્રખ્યાત લોકોનું સન્માન કરવામાં આવ્યું છે આ એવોર્ડ નાઈટમાં ભારતના રિકી કેજે પોતાનું કૌશલ્ય બતાવ્યું હતું.
સંગીતકાર રિકી કેજને ફરી એકવાર ગ્રેમી એવોર્ડથી સન્માનિત કરવામાં આવ્યા છે. આ વર્ષે તેણે તેના આલ્બમ ડિવાઈન ટાઈડ્સ માટે ગ્રેમી જીત્યો છે, જે પછી તેને દેશ અને દુનિયાભરમાંથી અભિનંદન મળી રહ્યા છે રિકી કેજનો આ ત્રીજો ગ્રેમી એવોર્ડ હતો તેણે પોતાનો એવોર્ડ બ્રિટિશ રોક બેન્ડ ધ પોલીસના ડ્રમર સ્ટુઅર્ટ કોપલેન્ડ સાથે શેર કર્યો.
ગ્રેમી એવોર્ડ જીત્યા બાદ રિકી કેજે તેના ઓફિશિયલ ટ્વિટર એકાઉન્ટ પર કેટલીક તસવીરો શેર કરી છે. આ તસવીરો સાથે તેણે લખ્યું મેં હમણાં જ મારો ત્રીજો ગ્રેમી એવોર્ડ જીત્યો છે હું ખૂબ આભારી છું મને થોડું આશ્ચર્ય પણ થાય છે.
હું આ એવોર્ડ ભારતને સમર્પિત કરું છું રિકી કેજનું આલ્બમ બેસ્ટ ઇમર્સિવ ઓડિયો આલ્બમ કેટેગરીમાં નોમિનેટ થયું હતું રિકી કેજ સંગીતની દુનિયાનું એક મોટું નામ છે. તેમણે યુનાઈટેડ નેશન્સ હેડક્વાર્ટર સહિત ઘણા લોકપ્રિય સ્થળોએ પરફોર્મ કર્યું છે.
તેમને 30 જુદા જુદા દેશોમાંથી 100 થી વધુ પુરસ્કારો એનાયત કરવામાં આવ્યા હોવાનું કહેવાય છે તેણે વર્ષ 2015માં તેના આલ્બમ વિન્ડ્સ ઓફ સંસાર માટે પ્રથમ વખત ગ્રેમી એવોર્ડ જીત્યો હતો ત્યારબાદ તેણે વર્ષ 2022માં સ્ટુઅર્ટ કોપલેન્ડ સાથે આલ્બમ ડિવાઈન ટાઈડ્સ માટે બેસ્ટ ન્યૂ એજ આલ્બમની શ્રેણીમાં ગ્રેમી એવોર્ડ જીત્યો.
Leave a Reply