ટીવીના સૌથી વિસ્ફોટક રિયાલિટી શો બિગ બોસ 16માં દરરોજ કોઈને કોઈ નવો વિવાદ જોવા મળી રહ્યો છે હવે લાગે છે કે બિગ બોસનું આ ઘર યુદ્ધના મેદાનમાં ફેરવાઈ ગયું છે. છેલ્લા એપિસોડમાં અર્ચના ગૌતમે પહેલા ટીના દત્તા સાથે છેડછાડ કરી હતી.
ત્યારબાદ બંનેએ એકબીજા પર ઉગ્ર નિશાન સાધ્યું હતું. આ પછી અર્ચનાએ સફાઈ ડ્યૂટીનો મુદ્દો ઉઠાવ્યો, ત્યારપછી તેનો શિવ ઠાકરે સાથે વિવાદ થયો અને પછી તેણે એમસી સ્ટેન સાથે ઝઘડો કર્યો. બંને વચ્ચે ઉગ્ર બોલાચાલી થઈ હતી.
અર્ચના અને સ્ટેન બંનેએ આ દરમિયાન એકબીજાની ટીકા કરી છે. જોકે, ફાઇટ બાદ પણ એમસી સ્ટેન ખૂબ જ પરેશાન દેખાતા હતા. અને આજના પ્રોમોમાં બતાવવામાં આવ્યું છે કે એમસી સ્ટેન પોતાનો ગુસ્સો ગુમાવી બેસે છે અને ઘરમાં ભારે તોડફોડ કરે છે.
પ્રોમોમાં એવું જોવા મળે છે કે એમસી સ્ટેન અચાનક ઉભો થઈ જાય છે અને કહે છે કે તે ઘરમાંથી સ્વૈચ્છિક રીતે બહાર નીકળી જશે. આ સાંભળીને દરેકને આશ્ચર્ય થાય છે. આ દરમિયાન તે ઘરમાં તોડફોડ કરે છે ત્યારે અચાનક સાજીદ વચમાં કહે છે કે તારે બહાર જવું હોય તો અર્ચનાને થપ્પડ મારીને બહાર નીકળી જા.
સ્ટેન પણ આ સાંભળીને આગળ વધે છે અને અર્ચનાના રૂમમાં જાય છે ત્યારે શિવ તેમને રોકે છે. હવે એ જોવાનું રસપ્રદ રહેશે કે શું આ કૃત્ય બાદ બિગ બોસ એમસી સ્ટેનને ઘરની બહાર ફેંકી દે છે અને હવે એમસી સ્ટેન ઇન્ટરનેટ પર ટ્રેન્ડ કરી રહ્યો છે જ્યાં ઘણા લોકો તેને સપોર્ટ કરી રહ્યા છે તો ઘણા યુઝર્સ તેને ટ્રોલ કરી રહ્યા છે.
Leave a Reply