પાકિસ્તાન આ દિવસોમાં ગરીબી સામે ઝઝૂમી રહ્યું છે. ત્યાં રોજિંદી જરૂરિયાતો પૂરી કરવી પણ મુશ્કેલ બની રહી છે દરમિયાન, પાકિસ્તાન સરકારે પેટ્રોલ અને ડીઝલના ભાવમાં 35 રૂપિયા પ્રતિ લીટરનો વધારો કર્યો છે.
આ અઠવાડિયે પાકિસ્તાની રૂપિયામાં થયેલા ઘટાડા બાદ આ પગલું લેવામાં આવ્યું છે. કારણ કે સરકાર દ્વારા કિંમતની મર્યાદા હટાવ્યા બાદ ચલણના મૂલ્યમાં લગભગ 12 ટકાનો ઘટાડો થયો હતો.
પાકિસ્તાનના ગરીબ લોકો પર મોંઘવારીનો મોટો બોમ્બ ફૂટ્યો છે. પાકિસ્તાન સરકારે પેટ્રોલ અને ડીઝલના ભાવમાં 35 રૂપિયા (પાકિસ્તાની રૂપિયો) પ્રતિ લીટરનો વધારો કરવાની જાહેરાત કરી છે.
ન્યૂઝ એજન્સી એએનઆઈના સમાચાર અનુસાર, પાકિસ્તાનના નાણા મંત્રી ઈશાક ડારે તેલની કિંમતોમાં વધારાની જાહેરાત કરી હતી. ડોનના અહેવાલ મુજબ, નવા દરો 29 જાન્યુઆરીની સવારે 11 વાગ્યાથી અમલમાં આવી ગયા છે.
કેરોસીન તેલ અને લાઇટ ડીઝલ તેલના ભાવમાં 18 પાકિસ્તાની રૂપિયા પ્રતિ લીટરનો વધારો કરવામાં આવ્યો છે. પાકિસ્તાનના નાણા મંત્રાલયે એક ટ્વિટમાં જણાવ્યું કે પેટ્રોલની નવી કિંમત PKR 249.80 પ્રતિ લિટર છે અને ડીઝલની નવી કિંમત PKR 262.80 પ્રતિ લિટર છે.