સ્વરા ભાસ્કરને નથી મળી રહ્યું બોલિવૂડમાં કામ ! અભિનેત્રીએ ભાવુક થઈને દર્દ વ્યક્ત કર્યું…

બોલિવૂડની સ્પષ્ટવક્તા અભિનેત્રી સ્વરા ભાસ્કર તેના નિવેદનો અને સોશિયલ મીડિયા પોસ્ટ માટે હેડલાઇન્સમાં રહે છે આ કારણે તે ફરી એકવાર ચર્ચામાં છે પોતાની નીડર સ્ટાઈલ માટે ફેમસ સ્વરા ભાસ્કર કોઈપણ બાબતે ખુલીને બોલતી જોવા મળે છે અને આ જ કારણ છે કે ઘણી વખત તેને સોશિયલ મીડિયા પર ટ્રોલર્સનો શિકાર બનવું પડે છે.

આટલું જ નહીં તેના નિવેદનને લઈને તેને ઘણી વખત જાનથી મારી નાખવાની ધમકીઓ પણ મળી છે લાઈમલાઈટમાં રહેવાની પ્રક્રિયા અહીં જ ખતમ નથી થતી તેના નિવેદનોની અસર તેની કારકિર્દી પર પણ જોવા મળી રહી છે.

સ્વરા ભાસ્કરે કહ્યું કે તેને લાગે છે કે તેણે પોતે જ તેની કારકિર્દી જોખમમાં મૂકી દીધી છે વીરે દી વેડિંગ પ્રેમ રતન ધન પાયો નીલ બટ્ટે સન્નાટા જેવી બ્લોકબસ્ટર ફિલ્મોનો ભાગ રહી ચુકેલી સ્વરા ભાસ્કર કહે છે કે ‘હવે તેની પાસે પૂરતું કામ નથી.

તેણીએ કહ્યું કે તે વેબ સીરીઝમાં લીડ રોલમાં રહી છે અને તેને ક્યારેય ખરાબ રિવ્યુ મળ્યા નથી પરંતુ આ બધું હોવા છતાં તેને એટલું કામ નથી મળી રહ્યું જેટલું મળવું જોઈએ.

સ્વરા ભાસ્કર તેની ફિલ્મી કરિયરના વર્તમાન તબક્કાથી ઘણી નિરાશ લાગે છે તેને લાગે છે કે તેના નિવેદનોને કારણે તેની પ્રોફેશનલ લાઈફ પર ઘણી અસર થઈ છે સ્વરા કહે છે કે ‘તેને તે નથી મળી રહ્યું જેની તે લાયક છે.

તાજેતરમાં ઇન્ટરનેશનલ ફિલ્મ ફેસ્ટિવલ દરમિયાન ઇઝરાયેલના ફિલ્મ નિર્માતા નાદવ લેપિડે ‘ધ કાશ્મીર ફાઇલ્સને અભદ્ર અને પ્રોપેગન્ડા ગણાવ્યું હતું જેને સ્વરા ભાસ્કરે ટ્વિટ કરીને સમર્થન આપ્યું હતું આ ટ્વીટ બાદ સ્વરા ભાસ્કરની ઘણી ટીકા થઈ હતી.