અભિનેત્રી તમન્ના ભાટિયા આ દિવસોમાં વિજય વર્મા સાથેના સંબંધોને લઈને ચર્ચામાં છે. તાજેતરમાં જ ગોવામાં નવા વર્ષની ઉજવણીમાં સાથે જોવા મળ્યા હતા ત્યારથી બંને ડેટિંગ કરી રહ્યા હોવાની અફવા હતી.
હવે ફેન્સ બંનેને એક ઈવેન્ટમાં સાથે જોવાનું ખૂબ પસંદ કરી રહ્યા છે. તમન્ના ભાટિયા અને વિજય વર્મા રવિવારે ELLE ગ્રેજ્યુએટ્સ 2022 એવોર્ડ શોમાં સાથે દેખાયા હતા. જ્યાંથી બંનેનો વીડિયો સોશિયલ મીડિયા પર વાયરલ થઈ રહ્યો છે.
વિડિયોમાં અભિનેત્રી સુંદર વાદળી રંગનો ડ્રેસ પહેરેલી જોવા મળે છે જ્યારે વિજય વર્મા સ્વેટશર્ટ અને ડેનિમ જીન્સ પહેરેલો જોવા મળે છે. વીડિયોમાં બંને પાપારાઝી માટે સાથે પોઝ આપતા જોવા મળે છે. બંનેને એકસાથે જોઈને ચાહકો ખૂબ જ પ્રેમ વરસાવી રહ્યા છે.
વર્ક ફ્રન્ટ વિશે વાત કરીએ તો, તમન્ના ભાટિયા છેલ્લે બબલી બાઉન્સરમાં જોવા મળી હતી, જેને ચાહકોએ ખૂબ પસંદ કર્યું હતું. બીજી તરફ, વિજય વર્માએ ફિલ્મ ડાર્લિંગમાં પોતાની શાનદાર એક્ટિંગથી ચાહકોનું દિલ જીતી લીધું હતું. રિપોર્ટ્સનું માનીએ તો બંને લસ્ટ સ્ટોરીઝ 2માં સાથે જોવા મળશે.
Leave a Reply